Servetsch eBau

Las pretensiuns per realisar proceduras d'approvaziun da construcziun daventan adina pli cumplexas per las autoritads da construcziun: Ils documents da dumondas da construcziun daventan adina pli voluminus, differentas proceduras ston vegnir fatgas a medem temp u ina suenter l'autra, las protestas vegnan inoltradas pli savens e.u.v.

Per sustegnair ils uffizis communals da construcziun ha la GeoGR SA sviluppà il product 'eBau' ed integrà en sia purschida da servetschs. "eBau" sa basa sin la software GemDat Bau Rubin da la GemDat SA, Son Gagl.

Ils puncts ils pli impurtants da "eBau" èn:

• Plattafurma online centrala per las administraziuns communalas e per las autoritads da construcziun.

• L'utilisaziun da las interfatschas dad eCH standardisadas en la programmaziun pussibilitescha da s'integrar senza interrupziun en il sistem communal existent.

• In access segir da las utilisadras e dals utilisaders autorisads da las vischnancas participadas succeda sur il navigatur-web dal PC local, independentamain dal lieu e dal sistem operativ.

• La software reproducescha ils andaments ed ils process da l'approvaziun da construcziun; ils andaments da lavur pon vegnir adattads individualmain als basegns communals.

• Ils instrucziuns da lavur e las glistas da controlla segireschan la qualitad da la lavur e faciliteschan l'engaschament da novas collavuraturas e da novs collavuraturs.

• L'administraziun da process survesaivla en il program garantescha da tut temp ina survista dal progress da las proceduras per projects da construcziun currents, da l'inoltraziun da la dumonda fin l'archivaziun dal project da construcziun terminà e mintga collavuratur da l'autoritad da construcziun po prender invista da sias proximas activitads en la procedura (controlla precedenta).

• La transmissiun da las datas GWR a l'uffizi federal da statistica na sto betg pli succeder manual, mabain las midadas da las datas statisticas vegnan transmessas automaticamain dal sistem.

• La software è disponibla per cundiziuns favuraivlas en tudestg e talian

Cun la cumbinaziun da ‚eBau‘ e ‚WebMap comunal‘ stgaffis Vus ulteriurs avantatgs, perquai ch'ins po trair a niz er la basa da planisaziun communala sco per exempel il cataster da conducts.

Avain nus sveglià Voss interess? Nus cussegliain gugent! Alura ans contactai per mail sin info@geogr.ch.

Enavos